متزعليش منى

متزعليش منى...
ومتصدقيش عنى كل الكلام...
متزعليش منى..
وخففى عنى الالام...
اوعى يقولولك انى عايش ع الدلع...
او يجبولك...الستات اللى بتقرى الودع...

ويقولولك عليه مش جدع..
اوعى يقولولك انه مش هامه...
الغربه والفراق...
دا انا جوايا بحر شوق ومحيط اشتياق..
اوعى يقولولك
انى هاجرك ومش فاكرك..او انى مش والدك...
اوعى يرسمونى فى عنيكى صوره
من غير ملامح...ويقولولك بوش كالح...
انى مش فالح...
او يرسمونى جبل قاسى...
واقف وشامخ
دا انا فراقك خلى قلبى عجوز وشايخ...
اوعى تصدقيهم لما يقلولك انى كسبان
فى غربتك وفراقك
انه...باعك....
او ان قصايدى فيكى مش مشاعر..
دا انا كل حرف كتبته فيكى شاعربمشاعر غربتك وبعادك...
دا انا ياما اتحملت عشانك ماسى....
اوعى تصدقيهم لما يقولولك ان قلبى عليكى قاسى
بس صدقيهم....لما يقولولك...
انى عصبى حبتين...
صدقيهم فى كل شيء...
ما انتى عارفه وشايفه بعنيكى ....العناد...
واللى عامل راس براسى....
يبقى عمره عندى فات......
ما انتى عارفه طبيعتى...راجل...
بارفض الغلط وعمرى ما كنت فى يوم لبط..
وما اعرفش فى يوم الهزيمه..
ولا اطوى نفسى بالذل والسكات...
ساعتها يبقى ابوكى مات...
بس عايزه الحقيقه....
صدقيهم لما يقولولك
انى اتهزمت بيكى...وانك سلاح موتى...
وياريت اموت وما اتحنيش فى الحياه بيكى..
واعذرينى...
لما اموت واقوم ...واموت... واقاوم... واموت بيكى...
بس اكون قدام عنيكى فى كيد النساء راجل..
ما انتى عارفه انى عشت سنين ....
مش لاقى فى الحياه راجل...