الأربعاء، 24 أكتوبر 2012


ولادى.....وولادك ....
ع المركب السايره....
ايدى على ايدك.....
نخليها فى العايمه...
ونوزع الادوار....
مين فى الليل....
ومين فى النهار....
مين ع الصارى ....
ومين ع الدفه....
مين صاحب العفه...
مين ماسك البوصله...
ومين قاعد على شوال الرمل والحصوه..
مين يفرد قلاع مركبنا...
ويمشيها عكس الريح...
مين يرخى الشاغول ويهدى..
ويلمه ويعدى....
عايزين مراكبى يلاعب الريح...
ويكون امامنا فى التراويح....
مايفرقش بين سنى وشيعى..
ولا اخوانى....
ولا مسلم ونصرانى...
علشان الكل يظبطها .....
لما تميل.....
وتيجى وتروح.....
ولما الازمه تشتد....
ما حدش يحتد على حد..
علشان ولادى وولادك....
ايدى على ايدك..
نخليها فى العايمه...
و بلاش نوقف المراكب السايره

ليست هناك تعليقات: